Eksperti i ekonomisë Adrian Civici thotë se publikimi i pagave të qytetarëve shqiptarë tregon qartë nivelin e informalitetit në vend.
Në një lidhje me Skype ne studion e ‘7pa5’ në Vizion Plus, Civici tha se fatkeqësisht duhet të ndodhte skandali me pagat që qeveria të vihej në lëvizje për tu përballur me fenomenin më negativ të ekonomisë, informalitetin e pagave.
“Rrjedhja e informacionit ajo që ne pame e tregonte qartë nivelin e informalitetit dhe atë që quhet genjeshtrën e madhe që ekziston në shumë sektorë përsa i përket pagave që marrin qytetarët shqiptarë. Ka të bëjë me informalitetin përsa i përket mospagimeve të sigurimeve shoqërore. Fatkeqësisht duhet të them shyqyr që ndodhi kjo gjë negative për tu përballur më një nga fenomenet më negative të ekonomisë shqiptare, informalitetin e pagave. Sado i vonuar të jetë aksioni apo ndërhyrja e qeverisë është e demosdoshme dhe urgjente që t’i shkojë deri në fund këtij procesi për ta bërë ekonominë më funksionale”, u shpreh Civici.