Qendra Kundër Ekstremizmit të Dhunshëm, e përfaqësuar nga drejtuesja Lejdi Dervishi, ka nënshkruar një Marrëveshje Bashkëpunimi për Parandalimin e Radikalizmit dhe Ekstremizmit të Dhunshëm me Rektoratin e Universitetit të Tiranës të përfaqësuar nga Rektori, Prof. Dr. Artan Hoxha.
Znj. Lejdi Dervishi theksoi se kjo marrëveshje do të kontribuojë në rritjen e ndërgjegjësimit mbi format e radikalizmit dhe ekstremizmit të dhunshëm.
Rektori Hoxha shprehu interesin e Universitetit të Tiranës për të luajtur një rol themelor në ndikimin dhe përmirësimin e njohjes dhe formimit profesional dhe akademik të kandidatëve për të ushtuar profesionet e ndryshme të mësuesit, psikologut, punonjësit social, etj. si dhe në trajtimin profesional dhe akademik të faktorëve që nxisin radikalizmin dhe ekstremizmin e dhunshëm në komunitet.