Liderët e rajonit dhe Bashkimit Evropian janë mbledhur në Slloveni në forumin strategjik dy ditor të Bledit.
I pranishëm është edhe kryeministri Edi Rama, që bashkë me udhëheqës të tjerë të ballkanit dhe BE-së do të jetë pjesë e një paneli diskutimi mbi sigurinë botërore.
Samiti i Bled shërbeu për të “shkrirë akujt” edhe mes Edi Ramës e Albin Kurtit.
Dy kryeministrat shtrënguan duart në darkën e shtruar nga homologu slloven.
Marrëdhënia mes tyre u thye pasi Rama i propozoi gjermanisë dhe francës një plan zgjidhjeje për “asociacionin” pa e biseduar me parë me Kurtin.
Ky propozim u prit me kritika dhe u refuzua nga kryeministri i Kosovës.
Kjo çoi në anulimin e mbledhjes së përbashkët të dy qeverive nga ana e Ramës dhe me pas Kurti iu përgjigj me të njëjtën monedhë. Ai nuk e priti në Prishtinë gjatë turit në Ballkan për procesin e Berlinit.
Në diskutimet me temë “solidaritet për sigurinë kombëtare” Rama dhe Kurti do të ndajnë të njëjtin panel, bashkë me homologët e tyre malazez, serb dhe maqedonas.