Edhe pse muaji gusht dhe shtator përkon me kulmin e sezonit turistik në Gjirokastër, në këto ditë të para pranvere nuk kanë munguar vizitorët e huaj.
Ndonëse të pakët në numër, ata shprehen të mahnitur nga arkitektura e qytetit të gurtë por dhe kulinaria. Turistët thonë se vendosën të vizitojnë shqipërinë pasi lexuan librat e shkrimtarit Ismail Kadare.
“Ushqimi është shumë i mirë. Dhe njerëzit janë të mirë. Vizitova kështjellën. Shumë impresionuese. Po ashtu, vizitova muzeun arkeologjik dhe shtëpinë e Ismail Kadaresë. U influencova për të vizituar vendin, pasi lexova librin e Ismail Kadaresë “gjenerali i ushtrisë së vdekur”.
“Hera e parë këtu. E duam këtë vend, është shumë i bukur. Nuk e dinin si ishte Shqipëria. Por kur erdhëm ramë në dashuri me këtë vend. Po ua rekomandojmë dhe miqëve për të ardhur.”
Synimi kryesor, sipas autoriteteve, për këtë vit është rrija e numrit të vizitorëve vendas e të huaj. Kjo për shkak edhe të investiemeve të shumta që po kryhen.
BLERIM KORE – DREJTOR I TURIZMIT, GJIROKASTER
“Aktualisht janë në hapat e fundit të restaurimit në muzeun etnografik dhe shtëpia e Ismail Kadaresë. Janë dy muzeume të rëndësishme. Synojmë të jenë në funksion të tërheqjes së turistëve. Edhe në muzeun e armëve, në kalanë e Gjirokastrës kemi kryer punime.”
Vitin e kaluar, Gjirokastra u vizitua nga rreth 90 mijë turistë, pjesa më e madhe e të cilëve ishin rusë. Për shkak të luftës në Ukrainë, Drejtoria e Turizmit po punon që të targetojë vizitorë nga vende të tjera të Europës, por jo vetëm.