Çmimet e hidrokarbureve po shënojnë luhatje të ndjeshme në treg, duke dëshmuar për një situate të paqëndrueshme.
Çmimi i naftës i përcaktuar edhe nga bordi i transparencës është 226 lekë, nga 219 që ishte prej disa ditësh.
Me 4 lekë më shtrenjtë do të shitet edhe benzina, duke u tregtuar në pikat e pakicës me 209 lekë për litër.
Ndërsa çmimi i gazit ka mbetur i pandryshueshëm në 115 lekë për litër.
Tarifat e reja do të nisin zbatimin nga pasditja e kësaj të mërkure.
Bizneset e fushës vijojnë të këmbëngulin se përcaktimi i çmimeve me bord është një praktikë e gabuar dhe se ata po shesin pa fitim, madje në disa raste dhe nën kosto.
Çmimi i një fuçie naftë në bursa është 106 dollarë, nga 100 që ishte 5 ditë më parë, teksa bordi miratoi tarifat e fundit.