Kryeministri Edi Rama i ka qendruar deklaratës së tij duke theksuar se pagat e ministrave dhe deputetëve duhet të jenë të fundit që rriten.
Gjatë diskutimeve për projektligjin e rritjes së pagave për administratën publike, ministrat e deputetët, kryesocialisti tha se është e pamoralshme që të parët që përfitojnë nga reforma në paga të jenë deputetët.
“Unë nuk e votoj rritjen e pagës për deputetët. Ju bëni çfarë të doni, unë vetë nuk e votoj. Për mua paga duhet të vendoset sot dhe duhet të hyjë në fuqi ditën që bëhet rritja e pagës deri te më i fundit”, tha Rama. “Nëse mësuesve dhe mjekëve iu themi do merrni sot këtë rritje, dhe tjetrën më vonë dhe paga juaj do jetë e plotë dhe 900 euro do jetë në mes të viti të ardhshëm, atëherë për deputetët e ministrave duhet të hyjë në fuqi pasi tu rritet gjitjë të tjerëve. Ky është qëndrimi im, para kësaj unë mendoj se është e pamoralshme”, shton ai.
Rama theksoi se reforma në paga ishte një nismë e parashikuar kohë më parë nga qeveria, por sfidat e pandemisë dhe luftës në Ukrainë ngadalësuan këtë projekt.