Policia e Bulqizës ka zbardhur ngjarjen e ndodhur në orët e para të 27 Gushtit, ku një sasi lënde plasëse shpërtheu në mjetin e shtetasit Elton Debreshi.
Ngjarja ndodhi rreth orës 01:00 të së premtes në lagjen “Kodra e Danit” në fshatin Dushaj të Bulqizës. Nga shpërthimi pati vetëm dëme materiale.
Policia ka vënë në pranga si autor të dyshuar të ngjarjes vëllain e Kryetarit të Sindikatës së Minatorëve të Bashkuar të Bulqizës Elton Debreshi, 29 vjeçarin Alfred Debreshi.
Ish kandidati i pavarur për deputet në zgjedhjet parlamentare të 25 Prillit, Elton Debreshi e konsideroi ngjarjen të lidhur me detyrën si kryetar i SMBB.
Ndërkohë nuk dihet nëse ngjarja ka të bëjë me ndonjë konflikt mes vëllezërve apo e kanë kryer në bashkëpunim me qellime perfitimin e azilit ne ndonje vend te BE.
Mbi 29 vjeçarin Alfred Debreshi do të rëndojnë akuzat e posedimit të lëndëve plasëse dhe deklarim i rremë para oficerit të policisë gjyqësore.