Sipas të dhënave të fundit nga INSTAT, shoferët që kanë mbi 9 vjet me patentë, shkaktojnë më shumë aksidente se të rinjtë.
Por për ekspertin e sigurisë Gëzim Hoxha, kjo gjë ndodh për shkak të besimit të tepruar që krijojnë shoferët e “vjetër” tek vetja e tyre.
Në një intervistë për Vizion Plus, ai tha se kjo kategori e shoferëve, priren të konsumojnë më shumë allkol dhe të rrisin shpejtësinë, në krahasim me drejtuesit e rinj.
“Aksidentet bëhen nga besimi i tepëruar që kanë drejtuesit e mjeteve. Këta që kanë mbi 9 vjet që ngasin mjetet, përdorin pije alkoolike dhe rrisin shpejtësinë për shkak të besimit të tepruar që kanë”.
Hoxha shton më tej se shqiptarët nuk e kanë në kulturë që kur konsumojnë alkool të marrin një taksi për tu rikthyher në banesë dhe as të ndalojnë drejtuesin e mjetit kur e shohin që është i dehur.
“Është çështje kulture. Ne renditeshim vendi i fundit ose i parafundit që pimë pije alkoolike. E gjithë bota pi por ata që janë në timon nuk pinë. Ne nuk e kemi kulturën që kur pimë të marrim një taksi. Në grup njerëzish e shohin që shoferi pi dhe ata nuk kanë respekt për veten e tyre se hipin në një mjet me të. Ata duhet të njoftojnë policinë, t’i shfryjnë rrotën e makinës apo t’i marrin çelësat për të reduktuar aksidentet”, tha ai.
Eksperti i sigurisë deklaron se nga ana e policisë me heqjen e patentave dhe pikëve është bërë shumë punë e mirë, por ai sugjeron që sado pak i dehur të jetë shoferi, duhet të dënohet me 2 vite burgim.
“Policia ka bërë shumë punë të mirë në këtë drejtim. Heqja e pikëve ka funksionuar se janë hequr disa patenta.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";Para 15 viteve të gjithë shoferët udhëtonin të dehur. Kjo ka ndryshuar sot. Une jam për një masë tjetër. Përdore sadopak pije alkoolike, 2 vjet burg, kështu e përdorin edhe disa shtete të tjera”, tha Hoxha.