Një sasi tritoli ka shpërthyer mengjesin e kesaj te enjte në një lokal në zonën e Komunës së Parisit.
Mësohet se ka vetëm dëme materiale, xhama të thyer të lokalit.
Pronarët kanë deklaruar se nuk kanë dijeni dhe asnjë dyshim se për çfarë arsye është vendosur tritoli.
Sasia mësohet se ishte e vogël, por do të përcaktohet nga ekspertët.
Tritoli është vendosur rreth orës 01:45 në lokalin në afërsi të Komunës së Parisit.
Lënda eksplozive ka shpërthyer pak minuta pasi është vendosur. Por pronarët e lokalit nuk e kanë raportuar menjëherë në polici kur e kanë konstatuar.
Rreth orës 10:10 kanë thirrur policinë. Në dëshminë e tyre paraprake kanë mohuar që të kenë probleme me persona të tjerë dhe nuk dinë se kush mund të jetë autori. Ndërkohë në pikën ku është vendosur tritoli nuk ka kamera sigurie.