Pas Kapshticës dhe Qafë Thanës, edhe në pikat e tjera kufitare ka oasur probleme me sistemin TIMS.
Edhe Kakavija, që prej mbrëmjes së djeshme në orën 20:00 ka qenë jashtë funksionit. Burime bëjnë me dije se në Kakavijë të gjithë kompjuterat nuk ndizen dhe shfaqin një mesazh që thotë: “Shqiperia po vuan dhe do te vuaje ende perkrahjen qe i ka dhene iranieneve te MEK”.
Policia ka nxjerrë regjistrat dhe punon manualisht.
Dyshohet paraprakisht se rënia e sistemit TIMS ka të bëjë me një tjetër sulm kibernetik nga Irani.
Ky është sulmi i dytë që vjen në një kohë të shkurtës, pas rënies së sistemit qeveritar të e-Albania.
Për këtë sulm, qeveria mori vendimin edhe të dëbimit të diplomatëve iranianë nga Shqipëria, vendim ky që u mbështet edhe nga ndërkombëtarët.