Kryetari i Partisë së Lirisë, Ilir Meta, ka reaguar një ditë pasi në media u raportua se SPAK ngriti akuza ndaj ish-kryeministrit Sali Berisha dhe caktoi masën e sigurisë “detyrim paraqitje”.
Me anë të një statusi në rrjetet sociale, Meta thotë se ky vendim është antikushtetues dhe i paligjshëm.
Ai pretendon se drejtësia ka ndërmarrë veprime me regji nga kryeministri Edi Rama, duke shkelur Parlamentin, i cili i siguron Berishës imunitet si deputet.
“Drejtësia me regji ka ndërmarrë veprimet e saj antikushtetuese dhe të paligjshme ndaj Kryetarit të Partisë Demokratike Prof. Dr. Sali Berisha me urdhër politik të Edi Ramës.
Këto veprime, që kanë shkelur me këmbë edhe Parlamentin e Shqipërisë kërkojnë shmangien e vëmendjes nga korrupsioni dhe përgjegjësitë shumë të rënda personale të Edi Ramës për aferën e inceneratorëve dhe mjaft aferave të tjerave qindra milionëshe.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Qëllimi politik i vetëm është shantazhi dhe intimidimi i opozitës, e cila po denoncon me këmbëngulje të vërtetat shumë të hidhura të korrupsionit mafioz të Qeverisë”, thekson kreu i PL-së.