Ambasadorja e SHBA-së në Tiranë, Yuri Kim publikoi në twitter një foto me kreun e SPAK, Arben Kraja, të cilit i ka dal në krah pas akuzave të forta që bëri ndaj tij Ilir Meta.
Kim shkruan përkrah fotos së Arben Kraja sapo është kthyer nga një vizite në SHBA, vizite e cila sipas saj do të forcojë bashkëpunimin e Shqipërisë dhe SHBA-së në luftën kundër korrupsionit dhe krimit të organizuar.
“Kemi kënaqësinë të mirëpresim sërish kreun e SPAK-ut, Arben Kraja pas vizitës së tij zyrtare në Uashington, e cila forcon më tej bashkëpunimin në luftën kundër korrupsionit dhe krimit të organizuar. SHBA do të vazhdojë të mbështesë fuqishëm punën e SPAK dhe institucioneve të tjera të reformës në drejtësi”.
Ky është qëndrimi i dytë I Yuri Kim në mbështetje të Arben Krajës, reagime trë cilat erdhen fill pasi Meta e quajti Krajën “spurdhjaku” i partisë.
Ky reagimi erdhi pasi SPAK kërkoi nga KQZ dhe Drejtoria e Gjendjes Civile informacion mbi formularin e vetedeklarimit të Ilir Metës kur ka qënë deputet si dhe gjeneralitetet e tij.
SPAK i kërkoi këto informacione në kuadër të një hetimi që ka nisur kundrejt Metës, pas kallëzimit të regjistruar pak muaj më parë nga ish-deputeti Hali Valteri.