Nënkryetarja e Partisë Demokratike, Jorida Tabaku ka akuzuar qeverinë se nuk po zbaton vendimin e Gjykatës Kushtetuese për shkrirjen e Bordit të Transparencës dhe atij të Ushqimeve.
Tabaku shprehet se dy bordet po dëmtojnë qytetarët, ndërsa dëmi përllogaritet deri në 600 milionë euro.
“Qeveria duhet të zbatojë vendimet e Gjykates Kushtetuese!
Gjykata kushtetuese ka vendosur që Bordi i Ushqimeve dhe Bordi i Karburanteve perveçse antikushtetuese i kanë kryer funksionet e tyre në kohë!
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";Në shkelje të plotë të konkurencës, me një rast të pashembullt në botë, bizneset e mëdha u ulën në tryezë me qeverinë e përcaktuan çmimet në dëm të xhepit të qytetarëve! Nga kjo shkelje e kushtetutës të paktën 600 mln Euro u paguan shtesë nga qytetarët në arkën e bizneseve që uleshin në tavolinë për të vendosur çmimin”, thotë ajo.
Ajo deklaron se situata nuk është më emergjente ndaj ekzistenca e dy bordeve dëmton xhepat e qytetarëve, duke shtuar se detyra e tyre ka përfunduar.
“Bordi i Ushqimeve ndonëse ligjërisht ende i pashkrirë de facto nuk po mblidhet më. Ndërkohë që Bordi i Karburanteve vazhdon avazin e vjetër duke vendosur çmime në kurriz të shqiptarëve për naftën.
E gjitha kjo kur ka një vendim të GJK që flet qartë, kur jemi përballë një situate që nuk është më emergjente dhe kur çmimet e naftës dhe gazit në tregun ndërkombëtar janë stabilizuar!
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";Vendimi i GJK është i qartë dhe në mbrojtje të xhepave të shqitparëve që paguajnë më shtrenjtë naftën prandaj nuk ka asnjë arsye logjike dhe ligjore që bordi oligarkëve të jetë në fuqi. I takon qeverisë që të veprojë, por e kuptoj dhe hezitimin e saj pasi është ortake në çmimet e larta që vendos bordi. Prandaj i bëj thirrje dhe parlamentit që të mblidhet për të kërkuar pezullimin e aktivitetit të këtij bordi”, shton Tabaku.
Nënkryetarja e PD nënvizon se Kuvendi duhet të shqyrtojë veprimtarinë e bordeve dhe të marrë një vendim në të mirë të qytetarëve.
“Jam e bindur që ka shumë prej kolegëve socialistë që mund të ndajmë shumë mendime të ndryshme por puqemi pikërisht në çmendurinë e këtij bordi sidomos pas vendimit të Gjykatës Kushtetuese.
Detyra e Parlamentit! Detyra e çdo deputeti është të mbrojë interesin e shqiptarëve, pasi ata janë zgjedhësit tanë dhe jo një klub oligarkësh që u vendos atyre çmimin e lartë të naftës duke ua shtrenjtuar jetën më shumë se sa inflacioni socialist”, përfundon ajo.
Bordi i Transparencës dhe Ushqimeve u krijua për të përcaktuar një tavan të çmimeve gjatë periudhës së rritjes së kostove të lëndëve të para për shkak të efekteve të luftës në Ukrainë.