“Të mashtrosh të tjerët dhe veten, e pafalshme”/ Bardhi për Bashën: Jeton në deziluzion, fatkeqësi personale

Gazment Bardhi prej disa kohësh është rreshtuar kundër Lulzim Bashës, duke kundërshtuar edhe rikthimin e tij në krye të Partisë Demokratike.

Edhe sot, kur Basha mblodhi Kuvendin Kombëtar, Bardhi nuk ishte i pranishëm, por reagimet e tij kundër nuk kanë munguar.

Në një postim në rrjetin social “X”, Bardhi teksa citon një shprehje të Fjodor Dostojevski “Mbi të gjitha, mos e gënjeni veten”, thekson  se Basha po jeton në një deziluzion dhe kjo është një fatkeqësi personale.

Premtimet e sotme të Bashës, sipas Bardhit ishin mashtrime të përsëritura dhe kjo gjë është e pafalshme.

“Të jetosh në deziluzion, është fatkeqësi personale. Të mashtrosh me vetëdije të tjerët dhe mbi të gjitha veten, për të disatën herë, është e pafalshme!”, shkruan Bardhi në “X”.