Rreth 80% e të rinjve shqiptarë janë të punësuar jashtë profilit të studimeve që kanë kryer. Eksperti për karrierën dhe punësimin, Erion Muça, ngre shqetësimin se studentët nuk orientohen për tregun e punës. Kështu, ata gjejnë një punë ku nuk mund të shfrytëzojnë njohuritë akademike të marra ndër vite.
ERION MUÇA
79 përqind e të rinjve në Shqipëri punojnë ose jashtë profilit ose fushës së tyre ose në një profit të afërt ,në investimin që kanë bërë tek vetja. Është mungesa e orientimit dhe shoqërimit të duhur aty ku ka shumë nevojë tregu në ato pozicione ,aty është shansi më i lartë që të punësohen.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Muça shton se të rinjtë duhet të integrohen në profesionin që synojnë që kur nisin studimet, dhe jo pasi marrin diplomën.
ERION MUÇA
EKSPERT KARRIERE DHE PUNËSIMI
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";Degët e inxhinierisë përfshirë dhe të teknologjisë dhe informacionit kanë mundësi shumë të mëdha për të punësuar në treg. Shumë të rinj presin diplomimin për tu punësuar ndryshe nga bashkëmoshatarët e tjerë në Europë që punojnë që në moshën 16-vjeçare.
Në rastin e Universitetit Bujqësor të Tiranës, nga 2000 studentë që diplomohen në vit, 80% e tyre arrijnë të punësohen, por shumica jashtë programit te studimit që kane ndjekur. Pedagogu Shpresim Domi e lidh këtë me mungesën e përshtatjes me tregun e punës pas daljes nga auditorët.
Referuar një studimi të kryer për “Rininë Shqiptare” në vitet 2018-2019, 48% e të rinjve nuk kanë një punë në bazë të kualifikimeve të tyre dhe 36% e tyre punojnë në vende pune, ku kërkohet një nivel më i ulët arsimi se ai që kanë.