Gjendet arma me të cilën dyshohet se u vra 33-vjeçari Madrit Ulqinaku me 17 gusht ne Elbasan.
Arma e zjarrit pistoletë me një krehër me 6 fishekë në të, u gjetën pas kërkimeve intensive nga ana e shërbimeve, në shtratin e lumit Shkumbin.
Gjatë mbrëmjes së te henes u vu në pranga edhe autori i dyshuar i kësaj ngjarjeje dhe bashkëpunëtori i tij.
Si rezultat i kontrolleve të shumta të zhvilluara nga Policia e Elbasanit, si dhe i negocimeve me familjarët, u bë e mundur vënia në pranga e shtetasve Horgito Peqini 18 vjeç dhe Klaudio Sallufi 33 vjeç.
Me heret ishte ndaluar edhe Ejden Dino, shok me Peqinin dhe Sallufin.
Gjykata e Shkallës së Parë Elbasan ka vendosur masën e sigurisë “Arrest në burg”, për këta shtetas, për veprat penale “Vrasja me dashje”, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.
Nga tërësia e veprimeve hetimore ka rezultuar se këta shtetas, në bashkëpunim me njëri-tjetrin, dyshohet se kanë vrarë, për motive të dobëta, me armë zjarri, shtetasin Madrit Ulqinaku, mbrëmjen e datës 17.08.2022.