Një shpërthim i fuqishëm me tritol tronditi orët e para të mëngjesit të kësaj të enjteje fshatin Hot i ri në Shkodër.
Ngjarja ndodhi rreth orës 02:25, kur një sasi lënde eksplozive iu vendos banesës së oficerit të policisë Shkodër, Pëllumb Vuka.
Nga vala e shpërthimit u shkaktuan dëme të shumta materiale.
Një pjesë e murit të shtëpisë u shemb, ndërsa u dëmtuan po ashtu dyert, dritaret si dhe orenditë shtëpiake. Dëmtime të shumta pësoi edhe makina tip “Benz” e efektivit 49-vjeçar që ishte parkuar para banesës.
Në momentin e ngjarjes oficeri Pëllumb Vaka së bashku me familjarët e tij ishin në gjumë, por fatmirësisht ata nuk pësuan lëndime.
Autorët sipas burimeve pranë grupit hetimor, përdorën një gardh anësor të një toke bujqësore që kufizohet me pronën e efektivit për të hyrë brenda perimetrit të banesës.
Por mungesa e kamerave të sigurisë ja ka vështirësuar punën hetuesve për identifikimin dhe kapjen e tyre.
Mëshohet se efektivi i policisë Pëllumb Vaka ka mohuar që të ketë konflikte me persona të tjerë. Por ngjarja dyshohet të ketë lidhje me detyrën e tij.
Ky është rasti i katërt në Shkodër që sulmohen shtëpitë apo automjetet e punonjësve të policisë së këtij qarku.