Gjykata e Posaçme kundër Korrupsionit dhe Krimit të Organizuar (GJKKO) ka shpallur fajtor ish-Kryeprokurorin Adriatik Llalla, për “fshehje të të ardhurave”.
GJKKO ka vendosur të lërë në fuqi vendimin e SPAK për dënimin me dy vite burg të ish kryeprokurorit Llalla.
Vetë Llalla nuk ka qenë i pranishëm në seancën ku u vendos “fati i tij”. Sipas avokatit, shkak i mospranisë së Llallës në gjykatë është shëndeti i tij, pasi ai ndodhet në spital.
Mësohet se avokati paraqiti dokumentet se ish-kryeprokurori ndodhet në regjim spitalor, ndersa i dha trupës gjykuese një ekspertizë që flet për gjendje të renduar shëndetësore të Llallës.
“Jemi me gjykim të padrejtë. Di që Llalla është në spital, kaq di. Unë jam avokati i tij dhe jam këtu, para jush. Gjykata, edhe e Shkallës së Parë, edhe e Apelit, ka bërë copy paste të gjitha veprimet procedurale, asgjë tjetër. Do t’i ndjekim të gjitha hallkat, deri në Gjykatën e Lartë. Nuk e di ku ndodhet Llalla, nuk kam komunikim sa i përket anës shëndetësore të ish-kryeprokurorit, kam komunikim vetëm për anën procedurale”, tha avokati Sokol Hazizaj.