Pas paralajmërimit të kryeministrit Edi Rama për krizën energjitike që pritet të prekë vendin, ka ardhur reagimi i parë nga opozita.
Deputeti demokrat Edi Paloka ka reaguar në një postim në rrjetet sociale ka ironizuar teksa shkruan “Ta gëzojmë mandatin historik, fajin e ka Saliu”.
“Pas rritjes se çmimit te bukes e te ushqimeve, pas rritjes se çmimit te gazit dhe karburanteve, ja dhe sihariqi me i fundit, rritje“marramendese” e çmimit te energjise elektrike. Ta gezojme “mandatin historik” te Edvinit ! E se mos harroj : “ Fajin e ka Saliu”, shkruan Paloka.
Pak minuta më parë në një konferencë të jashtëzakonshme kryeministri Edi Rama deklaroi se një krizë energjitike sapo ka filluar. Rama tha se kjo fatkeqësi e re ka sjellë një rritje të jashtëzakonshme të çmimeve e jo vetëm të karburanteve, gazit, karbonit e naftës, por edhe mallrave të konsumit. Gjatë fjalës së tij, kryeministri theksoi se kjo është një fatkeqësi e re natyrore e kombinuar me faktorë gjeopolitikë e manovra tregtare, një tjetër sfidë e rëndë për vendin.