Kryeministri grek, Kyriakos Mitsotakis vizitoi këtë të enjte Shqipërinë. Në vizitën e tij, Mitsotakis u prit nga kryeministri shqiptar Rama, dhe minoriteti grek në jug të vendit.
Për të folur më shumë mbi vizitën e tij në Shqipëri dhe mesazhet që u përcollën, ishte i ftuar në Vizion Plus, Panajot Barka pedagog dhe përfaqësues i minoritetit grek në vendin tonë.
Në një intervistë të shkurtër me moderatorin Roland Zili, Barka tha se mesazhi më i mirë që u përcoll nga vizita e kreut të qeverisë greke është fryma paqësore dhe qëndrimi larg nacionlizmave.
“Mesazhi ishte se, kur ka kontakte, ka vizita dhe ka këmbim mendimesh atëherë kemi një situatë më paqësore dhe larg nacionalizmave. Dhe ky është mesazhi më i mirë që përcollën dy kryeministrat. E mesazhi që përcolli kryeministri grek ka të bëjë veçanërisht me minoritetin grek. Kjo ishte një vizitë historike që kërkon që të respektohen të drejtat e premtimet e dhëna ndaj minoritetit. Në të gjitha rastet, Mitsotakis përmendi rrugën europiane të Shqipërisë e kjo tregon qartë për angazhimin e qeverisë greke në këtë rrugë të Shqipërisë.”
Roland Zili: Si mund ta lexojmë deklaratën për të drejtën e vetëpërcaktimit të minoritetit?
Panajot Barka: Kjo nuk është e re, ajo është përfshirë me disa mangësi në censusin e parë. E kjo besoj që është një vendimarrje e kartës së kuadrit për mbrojtjen e pakicave kombëtare. Nuk tha ndodnjë gjë të re. E re është kërkesa e banorëve të Himarës për ta njohur këtë zonë si minoritet grek dhe Mitsotakis nën thirrjet e tyre, pranoi dhe tha se do të bëjë gjithçka që është e mundur.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Roland Zili: Sipas jush kjo kërkesë e një pjesë të banorëve të Himarës është e tepërt apo reale?
“Në rradhë të parë është e drejta e tyre. Unë dua të distancohem nga të gjitha ato thirrje që bëjnë të tretët për vendimarrje që kërkojnë njerëz të tjerë. Dhe kjo është e gabuar. Është e drejta e tyre ta kërkojnë të vetëdeklarohen dhe kjo gjë na krijon ne, kënaqësinë për të përballuar edhe realitete që ndoshta ne jemi penguar për t’i pranuar ndërkohë që ato janë reale.”- tha Barka.
Barkaj foli edhe për çështjen e pronave për të cilat pretendohet se janë ende të pazgjidhura.
“Kjo është një çështje që ka marrë fund me ligjin 20/20. Thirrjet e deklarimet sidomos në rastin e Himarës përbëjnë thjesht një propoagandë sepse gjithçka është mbyllur dhe nuk besoj që pas kaq kohësh të kemi ndonjë ndryshim.”