Autori i vrasjes së Petrit Vukansit në Shkodër është vënë në pranga. Pas më shumë se 21 orësh kërkime, policia ka bërë të mundur gjurmimin dhe arrestimin e vrasësit së 51-vjeçarit.
Në momentin e arrestimit, autorit i është gjetur dhe arma me të cilën kreu krimin.
Lekë Vuksani ishte kushëri me viktimën dhe prej disa kohësh kishte marrë me qira banesën e këtij të fundit. Pikërisht, detyrimet e qiras dyshohet se kanë çuar në konfliktimin e dy kushërinjve e më pas vrasjen e 51-vjeçarit.
Petrit Vuksani u qëllua me kallashnikov në banesën e tij, teksa kishte një muaj që ishte kthyer nga Anglia.
Njoftimi i policisë:
Pas 21 orësh kërkime dhe ndjekje, Policia e Shkodrës, në bashkëpunim me Forcën Speciale RENEA, kap dhe vë në pranga autorin e dyshuar të vrasjes së 51-vjeçarit.
Lokalizohet, kapet dhe vihet në pranga shtetasi L. V., 34 vjeç, banues në Shkodër.
Policia gjen dhe sekuestron armën e zjarrit automatik me të cilën dyshohet se autori kreu krimin.
Ky shtetas dyshohet se rreth orës 12:15, të datës 02.05.2023, në lagjen “Tom Kola”, vrau me armë zjarri automatik, në banesë, shtetasin P. V., 51 vjeç.
Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon punën për dokumentimin e plotë ligjor të këtij rasti.