Prokuroria e Lezhës ka mbyllur hetimet për vrasjen e 34-vjeçarit Eri Zefi, ngjarje e ndodhur me 2 tetor të vitit 2019-të në fshatin Zall-Xhuxhe të Njesisë Administrative të Fanit në Mirditë.
Në lidhje me këtë krim, raporton Vizion Plus, është dërguar i pandehur Mikel (Gjovalin) Alia dhe ndaj tij është ngritur akuza e vrasjes së kryer në bashkëpunim. Prokuroria ka prova qe sipas saj vertetojne nepermjet pamjeve filmike dhe tabulateve se Mikel Alia nxorri ne prite viktimem Eri Zefi.
Vrasja rezulton të ketë ndodhur gjatë natës mes 1 tetorit dhe 2 tetorit të vitit 2019-të pikërisht në vendin ku është gjetur edhe trupi i viktimës në një kanal 50 metra larg rrugës së kombit.
Ekzekutimi i të riut dyshohet të jetë kryer për hakmarrje, pasi vëllai i tij është i dënuar për vrasje.