Turistja franceze që prej një jave ishte shpallur e zhdukur ka humbur jetën për shkak të të nxehtit dhe lodhjes. Në këtë përfundim kanë dalë autoritetet pas ekspertizës që iu bë trupit të saj të pajetë.
29-vjeçare Violet Gkigkano u gjet pa shenja jete në një shteg të Chania-s. Siç raportojnë mediat në vend, shkaqet e vdekjes u konfirmuan edhe duke marrë parasysh shihet bosh me ujë dhe pijet freskuese që ajo kishte me vete.
Po ashtu parasysh u mor edhe fakti që ajo u gjet disa metra shtegut ku kishte hije. Ironia tragjike është se trupi i saj u gjet rreth 10 minuta nga vendi ku ajo e kishte lënë makinën.
29-vjeçarja, sipas vlerësimeve, u përpoq të kalonte rrugën dhe ky rezultoi të ishte një gabim fatal, pasi aty nuk kishte shteg.
Violet Gigano mbërriti e vetme në Kretë më 21 qershor për një javë pushimesh. Ajo mori me qira një makinë dhe udhëtoi për në Chania, pasi qëllimi i saj ishte të vizitonte Elafonissin e famshëm.
Fatkeqësisht ky rezultoi të ishte udhëtimi i saj i fundit pasi humbi gjurmët më 24 qershor, derisa u gjet pa shenja jete.