Të martën, FDA njoftoi se kishte aprovuar etiketat për tre Marlboro Heatsticks (një të thjeshtë dhe dy mentol) duke deklaruar se ato reduktojnë ekspozimin ndaj kimikateve të dëmshme.

Lejimi i pretendimeve për “modifikim të ekspozimit” për produktet IQOS do të thotë që FDA ra dakord se “pritet që përfitues të jetë shëndeti i popullatës në tërësi”, në krahasim me cigaren konvencionale.

“Në veçanti, agjencia përcaktoi që kompania demonstroi se për shkak se sistemi i ngrohjes së duhanit IQOS ngroh duhanin dhe nuk e djeg atë, ai zvogëlon ndjeshëm prodhimin e kimikateve të dëmshëm dhe potencialisht të dëmshëm në krahasim me tymin e cigares”, tha FDA.

“Për më tepër, studimet treguan se kalimi i plotë nga cigaret në sistemin e ngrohjes së duhanit IQOS në mënyrë të konsiderueshme ul ekspozimin e trupit me 15 kimikate specifike të dëmshme dhe potencialisht të dëmshme. Vlerësimi toksikologjik zbuloi gjithashtu se, krahasuar me tymin e cigareve, aerosolet IQOS përmbajnë nivele të konsiderueshme më të ulëta kimikatesh toksike që mund të dëmtojnë sistemin e frymëmarrjes ose atë riprodhues. Për më tepër, FDA zbuloi se aplikimi mbështet gjetjet e nevojshme për t’u kuptuar nga konsumatori “.

Advertisement
google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

Philip Morris-it i kërkohet të kryejë studime shtesë mbi pas-marketimin për të vlerësuar efektet në “perceptimin, sjelljen dhe shëndetin e konsumatorit”, shtoi agjencia. Këto përfshijnë studime për përdorimin e produkteve nga të rinjtë.