Moderna, kompania bioteknologjike e cila krijoi një nga vaksinat e para COVID-19 vitin e kaluar do të fillojë luftën e saj edhe kundër HIV/AIDS me një vaksinë ARN.
Moderna po kërkon 56 individë, të moshës 18 deri në 50 vjeç dhe të cilët janë HIV-negativë, për të kryer testimet e nevojshme që pritet të fillojnë më 19 Gusht dhe të përfundojë në pranverën e vitit 2023.
I njohur si virusi i mungesës së imunitetit të njeriut, ai sulmon vetë sistemin imunitar dhe dobëson aftësinë e trupit për të luftuar sëmundjet dhe infeksionet e tjera.
Vaksina e Moderna do të jetë një vaksinë që krijon proteina që vetëshkaktojnë një përgjigje imune në trup.
“COVID-19 na tregoi se çfarë mund të bëjmë nëse duam të krijojmë një vaksinë në një kohë të shkurtër,” tha Dr Andrew Pekosz, një virolog dhe profesor në Shkollën e Shëndetit Publik Johns Hopkins.
Moderna ishte një nga firmat e para amerikane ka përdorur një metodologji e cila vendos në alarm sistemin imunitar të njeriut kundër infektimit ku në gjak injektohen pjesëza ARN-je. Deri më tani, disavantazhi i vaksinave të ARN është se ARN nuk zgjat shumë, kështu që ato duhet të mbahen të ftohta për të parandaluar prishjen.
Megjithatë, SARS-CoV-2 nuk është i ngjashëm me HIV/AIDS pasi HIV infekton qelizat imune që luftojnë viruset dhe patogjenët e tjerë, ndërsa SARS-CoV-2 kryesisht infekton qelizat e frymëmarrjes.
Teknologjia ARN mund të jetë premtuese për një vaksinë HIV, por vetëm koha do ta tregojë suksesin e saj.