Kompania farmaceutike Moderna tha se vaksinat ekzistuese për Covid-19 janë më pak efektive kundër variantit Omicron sesa llojet e tjera të koronavirusit.
Kjo është konfirmuar nga shefi ekzekutiv i Moderna, Stéphane Bance duke thënë se ndoshta është e nevojshme krijimi i vaksinave të reja për të përballuar variantin e ri. Ai tha se numri i lartë i mutacioneve të Omicron dhe përhapja e shpejtë e variantit mund të bëjë që të jetë e domosdoshme një vaksinë specifike për mutacionin e ri.
Kjo deklaratë shton frikën se rezistenca ndaj vaksinave në Omicron mund të zgjasë pandeminë, duke çuar në një rritje të rasteve dhe shtrimeve në spital. Moderna njoftoi javën e kaluar se tashmë ka filluar të punojë për një vaksinë të re të mundshme kundër llojit të ri në fillim të vitit të ardhshëm.