Hulumtimet e bëra në Universitetin Florida, kanë treguar që një lëvozhgë e vezës përmban 2,2 g kalcium, gjë që është dyfish më shumë se doza e rekomanduar ditore.
Çuditërisht, lëvozhgat e vezëve cilësore përmbajnë 27 mikroelemente esenciale kryesisht të përbëra nga karbonat kalciumi (CaCO3) një strukturë shumë e ngjashme me dhëmbët dhe kockat e njeriut.
Gjithashtu, disa hulumtime të mëparshme kanë shpjeguar që kalciumi, i cili gjendet në lëvozhgën e vezës, më lehtë absorbohet se sa nga burimet e tjera, transmeton Telegrafi.
Në testet që i janë bërë njerëzve dhe kafshëve, ka rezultuar përmirësim i dukshëm i kockave, shtim dendësie tek kockat dhe pakësim dhimbjesh reumatike. Për këtë duhet të përdorim vezë pule, rose, të ushqyera mirë.
Mirëpo, të hash lëvozhgën e vezës, nuk është njësoj si edhe biskotat e orizit.
Para së gjithash, nga lëvozhga e papërpunuar termike e vezës lehtë mund të sëmuremi nga salmonela.
Hulumtimet rekomandojnë që lëvozhgën e vezës ta zieni 30 minuta para se ta hani.
Gjithashtu, mund ta piqni lëvozhgën dhe me ndihmën e aparateve të kuzhinës ta transformoni në materie pudre, gjë që e bën më të përshtatshme për smoothie.