E ftuar në emisionin “Living Room”, aktorja e njohur Eva Alikaj ka kujtuar me nostalgji fillimet e saj të karrierës, ku për herë të parë përmendi një detaj shumë interesant.
Ajo tha se kolegu i saj, aktori Ndriçim Xhepa i ka dhuruar artistes një make up gjatë xhirimeve, kjo pasi Alikaj ishte shumë e fiksuar me kujdesit ndaj vetes.
Pjesë nga biseda:
Brunilda Lahe: Make up-et ku i gjeje?
Eva Alikaj: Më kujtohet më ka dhuruar njëherë Çimi një make up bojëqejlli, një të vogël, tek filmi “Njeriu i Mirë”. Mbase ja ka marrë Margaritës se unë sa kisha filluar në teatër. Me atë lyhesha pak tek sytë
Brunilda Lahe: Kaq mjaftonte
Eva Alikaj: Po, edhe pak buzët
E pyetur nga moderatorja Brunilda Lahe se ku i gjente veshjet e veçanta dhe pak të guximshme për atë kohë, aktroja tregoi se i bënte vetë. Ajo tha se ka pasur një natyrë pak rebele, por kjo ishte karakteristikë e veçantë për të, pasi publiku ishte marrosur me aktoren.
Brunilda Lahe: Po ato veshjet, me ato xhinset pak më ndryshe se vajzat e tjera, si e huaj, ku i gjeje?
Eva Alikaj: I bëja vetë
Brunilda Lahe: Ashtu?
Eva Alikaj: Po
Brunilda Lahe: Po xhinset ku i gjeje?
Eva Alikaj: Kisha unë atë kohë, isha pak rebele atë kohë
Brunilda Lahe: Kishte përjashtime për ju aktorët?
Eva Alikaj: Po ku diun më lejonim mua, kisha naze unë
Brunilda Lahe: Dhe dole e veshur ashtu nuk të pengonin
Eva Alikaj: Po, ca pensionistë janë ankuar, thanë çfarë është kjo. Por, populli ishin marrosur, ashtu më donin. /vizionplus.tv