Tashmë të gjithë e dimë se Tayna po sjell hitin e saj të ri pasi kjo u mësua nga menaxheri i saj, Rinor Hykolli. Në InstaStoryn e tij u postuan pjesë nga xhirimi i videoklipit.
Tayna në këtë videoklip shfaqet me flokët ngjyrë rozë duke na kujtuar pak videoklipin e saj të parë me Don Phenom ku shfaqej me flokët ngjyrë blu. Kënga e Taynes do të quhet “Bass” dhe është lajmëruar se do lançohet ditën e dielë.
Këngëtarja ka postuar disa foto tepër provokuese dhe nuk i ka shpëtuar komenteve të ndjekësve të saj. Sensualitetin e saj komentuesit nuk mund ta fshihnin, madje ka patur edhe nga ata që e kanë akuzuar për ndërhyrje estetike.
Reperes i ka rënë në sy një fanse që i shkruan: “Si ka mundësi që të pasmet e tua rriten çdo ditë e më shumë”, duke dyshuar për ndërhyrje estetike. Tayna nuk e ka lënë pa pergjigje pasi ka komentuar me disa emoji ushqimesh, duke treguar kështu se thjesht ka shtuar në peshë dhe asgjë më shumë.
Tashmë ajo ndodhet në Kosovë dhe presim vetëm që ajo të publikojë hitin e saj.
Fotot sensuale të Taynas provokuan komentuesit për operacione plastike shkruan Vizion Plus.