Nisa Sofiya Aksongur e njohur për rolin e “Ova” në filmin hit botëror “Mrekullia në qelinë numër 7” ishte e ftuar ekskluzive në “Vizioni i Pasdites”, ku rrëfeu më tepër mbi veten dhe punën e saj. Për herë të parë për televizonet shqiptare, Nisa Sofiya shprehu kënaqësinë e të punuarit me një aktor si Aras Bulut Iynemli, si dhe çfarë e lidh me Shqipërinë.
“Ja kemi kaluar shumë bukur. Kemi pasur momente të bukura si në film, por dhe ndërmjet pushimeve nga skena në skenë.”
E pyetur nga Evi Reçi se si ndihet tashmë që ajo është e njohur ndërkombëtarisht, Nisa tha se është shumë e lumtur. Por ajo shtoi se në fillimet e famës ndihej pak çuditshëm.
“Kur dalë në rrugë njerëzit më njohin e më thërrasin ‘Lingo Lingo’. Të gjithë ma thonë, dhe kur më njohin më përshëndesin ‘Lingo Lingo’.”
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Shqipëria nuk është e panjohur për vogëlushen 9-vjeçare. Ajo thotë se jo vetëm e njeh vendin, por dëgjon muzikë nga artistë shqiptarë. Ndër artistët e saj të preferuar është Tuna. Nisa e mbylli intervistën e saj me një përshendetje për fansat shqiptarë, dhe një mesazh për të gjithë fëmijët që duan të bëhen aktorë si ajo:
“Unë i dua shumë fansat e mi shqiptarë dhe I puth nga larg. U them fëmijëve se nëse vërtetë duan të bëhen aktorë nuk duhet të dorëzohen.”