Ameli është fëmija i parë i dy këngëtarëve të njohur, Miriam Cani dhe Alban Skënderaj. Vogëlushja tërheq vëmendjen e të gjithëve, sa herë që prindërit publikojnë ndonjë foto apo video në rrjetet sociale.
Tashmë ajo është një motër e madhe, pasi në janar të këtij viti Miriam solli në jetë fëmijën e dytë, Duam.
E si motra më e madhe, duket se ajo kujdeset për vëllain e vogël. Miriam ka publikuar së fundmi disa video ku dëgjohet Ameli duke i kënduar ninulla të voglit të shtëpisë, për ta vënë në gjumë.
Miriami ka filmuar momentin e ëmbël, teksa në sfond dëgjohet zëri i Amelisë e cila i këndon të vëllait ëmbëlsisht.
“Nani nani shpirti i motrës, të më rritesh si drita e hënës”- dëgjohet të thotë ajo duke ja shkrirë zemrën jo vetëm të ëmës, por edhe të gjithë ndjekësve në “Instagram”.