Reperi i njohur, Arkimend Lushaj, i njohur ndryshe si Stresi, ka reaguar lidhur më rrëmbimin dhe dhunimin e të riut Kozak Braçi, personazh ky i njohur në “Instagram”.
Ai shprehet se i njeh të dyja palët e përfshira në konflikt, ndërsa tregoi se u mundua të sheshonte gjakërat para 10 ditësh në Sarandë, por nuk ia arriti.
“Tani, i njohim të dyja palët, Fabion e kam vëlla, e di gjithë Shqipëria. Nuk e hedh poshtë e një mijë vjet. Edhe Kozin e njohim, më ka ardh shumë keq për të, realisht tani që po folim, po tani ca me bo. S’kemi ç’bëjmë. Vëllai e mban mend kur të thosha unë që është shumë keq me t’u shajt në publik familja. Neve na ka ndodh krejt artistave realisht. Është gjëja më e rëndë që mund t’i ndodh dikujt. Mirëpo, këta zgjodhën rrugën më të lehtë, ka rrugë edhe më të rënda kur të preket familja. Unë jam munduar me e shujt me çdo kusht këtë punë, edhe para 10 ditësh në Sarandë, por është diçka e kot.”