Kosova dhe mbarë opinioni publik shqiptar është tronditur gjatë ditëve të fundit pas vrasjes së dy grave në harkun kohor të pesë ditëve. Autorë të ngjarjes janë partnerët e tyre.
Të shumta ishin reagimet në rrjete sociale edhe nga personazhe të njohur publikë. Së fundmi ka reaguar dhe këngëtarja e Adelina Ismaili.
Ismaili, përmes një reagimi në rrjetet sociale bën thirrje për lejimin e armëmbajtjes për femrat në rrezik.
Adelina kërkon armatosjen e grave dhe vajzave me qëllim vetëmbrojtjen.
“Lejoni armëmbajtje për femrat e rrezikuara! Femra, mbroni veten dhe jetën!
Mbroni me jetë vajzat, motrat, nënat e juaja! Merruni me komentet që bëjnë thirrje për vrasje në internet!
Vini re që asnjë klerik fetar nuk ka dënuar vrasjen e femrave në Kosovë! Boll më”,- është shprehur ajo në një postim në rrjetet sociale.
