Atletico Madrid është skuadra e fundit që siguroi një biletë për në gjysmëfinalet e kuotës së mbretit , një rezultat i arritur më parë edhe nga Real Sociedad, Majorka dhe Atletik Bilbao.
Skuadrës së Simeones i mjaftoi një rezultat minimalisht 1 me 0 në fushën e vet për të vijuar rrugëtimin ne këtë trofe. Në metropolitan, episodi i parë i rëndësishëm i takimit ishte në minutën e 26. Los Colchoneros fituan një penallti e cila gjithsesi u gabua nga sulmuesi kryesor i skuadrës, Antuan Griezman.
Francezi rreshkëti në momentin e gjuajtjes duke e dërguar topin mbi traversë. Deri në fund të pjesës së parë, pak moment për tu përmendur, më shumë lojë e fortë në mesfushë, e ashpër, por pa raste të pastra për shënim. Në pjesën ë dytë miqtë pretendojnë për një penallti pas kontaktit në zonë mes madrilenit Molina dhe Xhibril Sou por gjyqtari vazhdoi lojën, ndonëse rasti ishte tepër i diskutueshëm. Emocionet s’postohen në portën andaluze aty ku Griezman dhe Lino i afrohen ndjeshëm golit, gol që në fakt do të vinte në minutën e 79.
Këmbëngulja e gjatë e vendasve nga e djathta dhe dribilimi i bukur i Korreas u finalizuan me dërgimin e topit në rrjetë nga Mefis Deppai.
Ramos pak çaste me vonë gabon na afër golin e barazimit, ndërsa Lino në krahun tjetër mund të kishte mbyllur takimin për të zotët e shtëpisë.
Në fund sërish polemika të mëdha. Barrios ka një kontakt në hyrje të zonës me Lamelen. Gjyqtari jep penallti për miqtë në fillim, pastaj e anulon përmes pamjeve në video-monitor. Moment shumë i diskutueshëm që mund të çonte ndeshjen në shtesë e që solli akuzat e Sevijës në fund të sfidës. /vizionplus.tv