Të dyja ekipet kanë nga 9 pikë, por duke qenë se Shaktar ndjek me 6 pikë, dy skuadrat iberike nuk janë të qeta. Ukrainasit mund të përfitojnë, sepse luajnë në letër një ndeshje të kalueshme ndaj Atverp të Arbnor Mujës.
Në grupin E vëmendja është e gjitha tek sfida direkte mes Fejenord dhe Atletiko Madrid.
Spanjollët kryesojnë me 8 pikë, 1 më shumë sesa Lazio dhe 2 më tepër sesa holandezët, ndaj dueli i sotëm në Roterdam është shumë i rëndësishëm.
Detyrë më e lehtë për Lacion, pasi italianët luajnë në shtëpi ndaj Celtik, duke pasur mundësi të hedhin një hap të madh drejt kualifikimit.
Në grupin G, Manchester City dhe Leipzig tanimë të kualifikuara përballën në Etihad për vendin e parë.
Mision thuajse i pamundur gjithsesi për gjermanët, pasi duhet të fitojnë me 3 gola diferencë që të parakalojnë kampionët e Europës në fuqi.