Ndarja nga jeta e Mbretëreshës Elizabeth II ka bërë që shumë personazhe të njohur në mbarë botën të reagojnë me mesazhe ngushëlluese për familjen mbretërore dhe popullin britanik.
Së fundmi, edhe ylli i futbollit, Cristiano Ronaldo ka bërë një postim me një mesazh prekës për të ndjerën.
“Shtatë vite nga karriera ime janë luajtur në Premier League, duke e bërë këtë sezon vitin e tetë që jetoj në Angli. Gjatë këtyre viteve, kam ndjerë një dashuri të jashtëzakonshme nga Mbretëria e Bashkuar për Mbretëreshën, dhe sa shumë e rëndësishme ka qenë dhe do të jetë madhështia e saj për të gjithë njerëzit britanikë.
I kushtoj nderimin tim kujtimit të saj dhe vajtoj këtë humbje të pazëvendësueshme me vendin që kam mësuar ta quaj shtëpi. Mendimet dhe lutjet e mia janë me familjen mbretërore.”