Egnantia ka pritur sot në Rrogozhinë Tiranën për vijimin e javës së dytë të kategorisë Superiore.
Si Egnantia, ashtu edhe skuadra e Tiranës është në kërkim të tre pikëve të para të këtij sezoni.
Por jo gjithçka ka shkuar ashtu si duhej.
Në minutën e 33-të, në fushë është krijuar moment paniku dhe ankthi. Pas një përplasje kokë më kokë mes Qefalijes dhe Hamzat, lojtarët e dy skuadrave kërkojnë që të ndërhyje ambulanca pasi lojtari i bardhebluve ka mbetur në fushë i gjakosur. Ndërhyn ambulanca dhe transporton lojtarin, ndeshja e pezulluar.
Pas ngjarjes, lojtarët e tjerë mbetën të tronditur, duke pezulluar kështu edhe lojën.
Në minutën e 40-të delegati dhe vëzhguesi zbresin në fushë për të bindur lojtarët që të rifillojnë ndeshjen. Rrogozhinasit janë dakord, ashtu si edhe disa nga drejtuesit bardheblu, por jo lojtarët që presin lajme për Qefaliajn.
Në minutën e 42-të të ndeshjes, mbërriti lajmi i mirë se lojtari i bardhebluve Qefalija u përmend, duke sjellë edhe pranimin e kolegëve të tij për të rinisur lojën.
Në minutën e 43 rinisi sfida mes Egnantias dhe Tiranës, ndërsa në minutën e 45 u bë zëvendësimi i Qefaliajt që u dëmtua me Limajn.