Një ngjarje e rëndë ka tronditur botën e futbollit në Serbi. Ish-sulmuesi Miljan Mrdakoviç është gjendur i vdekur në banesën e tij.
Bota e futbollit serb është tronditur nga një ngjarje e rëndë. Bëhet e ditur se ish-sulmuesi, Miljan Mrdakoviç, është gjetur i pajetë në shtëpinë e tij.
Mediat vendase raportojnë se nga hetimet e para dyshohet se Miljan ka vrarë veten.
Gjithashtu raportohet se në apartamentin me qira në qendër të Beogratit, ku jetonte futbollisti, është gjetur një armë.
Ai jetonte së bashku me partneren e tij, e cila ka lajmëruar policinë për ngjarjen e rëndë.
Ish-futbollisti serb i dha fund jetës në moshën 38-vjeçare. Ndërkohë kujtojmë se Miljan Mrdakoviç ka një CV tepër të pasur për sa i përket karrierës futbollistike, ku është aktivizuar me Anderleht, Gent, Makabi Tel Aviv, etj.