Informatat kundërthënëse nga Shtëpia e Bardhë rreth kohës së diagnostikimit me COVID-19 të presidentit të SHBA-së, Donald Trump si dhe mënyrës së trajtimit të tij u kanë dhënë hov teorive të konspiracionit.
Pretendimet se Trumpi mund të ketë dalë pozitiv më herët sesa që u kumtua, u dhanë shtytje thashethemeve të pabaza rreth kipcave të tij, shkruan BBC, transmeton KOHA.
Njëkohësisht, thashethemet se Trumpi po trajtohet me oksigjeno-terapi çuan në pretendimet e pabaza se presidenti amerikan e kishte afër vetes bocën e oksigjenit, disa ditë më parë.
Paqartësitë rreth gjendjes aktuale të presidentit po ashtu kanë rezultuar me pretendime të pabaza se videoja më e fundit e tij ishte rregulluar, ashtu që të hiqen pjesët në të cilat Trumpi kollitet.