Procesori Power10 i IBM-së u përmend për herë të parë në konferencën virtuale “Hot Chips” sivjet. I punuar qe 5 vite, është procesori i parë komercial prej 7 nanometrave i IBMS-së.
Do të ketë konfigurime të shumta, por ende nuk po publikohen specifikat. Maksimumi që do të ketë një modul i çipit është 15 SMT bërthamësh ndërsa ai me çip dual do të ketë maksimumin e 30 SMT8 bërthamave.
Pos që do të jetë shumë efikas sa i përket rrymës, Power10 ofron kriptimin e memories me kriptografi më të shpejtë për 40% se procesori Power9. Gjithashtu është i dizajnuar që të ketë mbrojtje të harduerit dhe aftësi të izolimit të pjesëve në mënyrë që përbërësit virtual në të njëjtën makinë të mos ndikohen nga një ndërhyrje e vetme, shkruan Venture Beat, transmeton KOHA.
Procesori Power10 do të mundësojë edhe ndarjen e memories në përmasa të mëdha me sisteme tjera. Ndërsa sa i përket përdorimit nga AI, IBM thotë se procesori Power10 do të ketë 10 deri 20 herë perfomancë më të mirë sa i përket detyrave dhe llogaritjeve të bëra nga AI, krahasuar me procesorin Power9.
Ashtu si është lajmëruar në vitin 2018, ky procesor do të prodhohet nga Samsung, ndërsa IBM thotë se do të del në shtije në gjysmën ë dytë të vitit 2021.