Rregullatori i komunikimit të Rusisë akuzoi Twitterin për shkeljen e ligjit rus, duke thënë se platforma e mediave sociale nuk kishte përmbushur disa nga kërkesat e saj për të fshirë përmbajtjen e ndaluar.
“Roskomnadzor” tha se Twittero kishte dështuar të fshijë 2.862 postime që përmbajnë materiale të lidhura me vetëvrasjen, pornografinë dhe drogën që nga viti 2017.
“Mund të gjobitet rëndë, pasi u gjet fajtor për dështimin e vazhdueshëm të fshirjes së përmbajtjes që konsiderohet e paligjshme, sipas ligjit rus”, thuhet në njoftimin e rregullatorit rus.
Platforma përdoret gjerësisht nga kritiku i Kremlinit, Alexei Navalny dhe aleatët e tij për të kritikuar autoritetet dhe për të thirrur protesta të reja.
Twitteri është gjobitur në të kaluarën për shkelje të ligjeve të të dhënave të Rusisë, por gjobat deri më tani kanë qenë relativisht të vogla.
Rusia muajt e fundit ka ndërmarrë hapa për të ushtruar më shumë ndikim në platformat e huaja të mediave sociale.
Ministria e Jashtme ka akuzuar gjithashtu Facebookun dhe platformat e tjera të mediave sociale të SHBA-së se nuk kanë identifikuar postime të rreme në lidhje me “protestat e paautorizuara” në mbështetje të Navalnyt, ku policia arrestoi mijëra demonstrues në të gjithë vendin. a2news