Tashmë tatuazhet janë të transferueshëm dhe ndizen me po të njëjtën teknologji OLED, si ekranet e televizorit dhe smartphone: mikropajisja, është zhvilluar nga Instituti italian i Teknologjisë (IIT), në bashkëpunim me University College London dhe botuar në revistën “Advanced Electronic Materials”.
I integruar me ndjesorë të tjerë, ai mund të aplikohet në lëkurë për të monitoruar gjendjen e hidratimit ose ekspozimit në diell, në ushqime për të treguar kur ato janë të skaduara, kurse në veshje dhe thonj mund të shndërrohet në një aksesor mode.
Tatuazhi, i bazuar në teknologjinë OLED (diodat organike të emetimit të dritës) transferohet nën presion, nëse laget me ujë.
Është i trashë vetëm 2,3 të mijtat e milimetrit dhe përbëhet nga një polimer elektroluminishent i vendosur në mes të elektroda, që ndahen nga filmi i tatuazhit nëpërmjet një shtrese izoluese.
Sipas krijuesve të tij, përparësia e kësaj teknologjie është se ka kosto të ulët, aplikohet dhe përdoret lehtë, si edhe hiqet pa vështirësi me ujë dhe sapun.