Siç thanë shumë në ato ditë, kënga e zogjve tingëlloi ndryshe gjatë bllokimit, sipas një studimi.
Duke analizuar cicërimat e harabelave të regjistruara në dekada, shkencëtarët konfirmuan një ndryshim në repertorin vokal të zogjve kur qyteti qetësohej.
Zogjtë cicëronin në një shkallë më të lartë kur bënin thirrje për të mbrojtur territorin e tyre dhe për të joshur dikë.
Dhe kur njerëzit mendonin se zogjtë po cicëronin më fort, atëherë ata këndonin më qetësisht.
Dr. Elizabeth Derryberry, pjesë e Departamentit të Ekologjisë dhe Biologjisë Evolucionare në Universitetin e Tenesit në Sh.B.A, ka studiuar për vite me radhë se si ndotja e zhurmës ndikon në këngën e zogjve.
“Njerëzit kishin të drejtë kur thoshin që zogjtë këndonin ndryshe gjatë mbylljes”, tha ajo.
Ajo që gjetën shkencëtarët nga studimi erdhi si befasi. Shumicën e kohës, janë harabelat meshkuj që këndojnë, dhe gjatë heshtjes zogjtë përmirësuan performancën e tyre vokale dhe kënduan këngë “më seksi” me një shkallë më të ulët për të mbrojtur territorin e tyre dhe për të “flirtuar” me një femër.
“Kur nuk kishte zhurmë gjatë karantinës, këngët e tyre tingëllonin më seksi për zogjtë e tjerë. Ky studim tregon se kur zvogëloni ndotjen akustike, ka pothuajse një efekt të menjëhershëm, në sjelljen e botës së egër”, tha Dr. Derryberry.
The post Zogjtë cicëruan ndryshe gjatë karantinës appeared first on Vizion Plus.