Një gjuhë, dy letërsi me përvoja dhe kushte të ndryshme, kështu i përkufizon akademiku Mehmet Kraja letërsinë shqiptare dhe atë të Kosovës. Ndonëse gjuha shihet si elementi i vetëm që i përbashkon, problemet mes dy letërsive në thelb mbeten të tjera.
Faktorët që kanë sjellë diferencime mes dy letërsive janë të shumta, kur ndër më të rëndësishmet mbetet fakti që Kosova deri në vitet 90’ nuk kishte gjuhën shqipe gjuhë të parë.
“Letërsia e Kosovës është konsideruar si një letërsi me një gjuhe te pamjaftueshme. Letërsia shqipe përgjithësisht, e edhe ajo e Kosovës në veçanti, nuk ka një traditë shumë të gjatë të shkrimit. Letërsia shqipe është një dhe e pandare gjuha shqipe ka variantet e saj letërsia ka përvoja. Në Kosovë letërsia filloi te shkruhej vonë dhe Kosova nuk ishte e përfshirë ne proceset historike dhe kulturore”, tha Kraja.
Por a ka vend gjuha shqipe për të krijuar dy letërsi të ndara?
“Është një gjuhë e vogël gjuha shqipe për të krijuar dy letërsi”, shtoi Kraja.
Diskutimet dhe debatet mbi letërsinë e gjuhën ishin në fokus të takimit të mbajtur gjatë kësaj të mërkure në bibliotekën “Sotir Kolea” nga akademikë, shkrimtarë e gjuhëtarë të shumtë./vizionplus.tv