Ministrat e Jashtëm të Bashkimit Evropian kanë rënë dakord të zgjerojnë sanksionet ekzistuese ndaj programit të dronëve dhe raketave të Iranit, tha të hënën kryediplomati i bllokut Josep Borrell.
Borrell tha se sanksionet e reja zgjerojnë “zonën gjeografike të këtij kuadri për të mbuluar dërgesat me dron dhe raketa jo vetëm në Rusi”, por edhe përfaqësuesit e Iranit në rajon.
Sanksionet do të zgjerojnë listën e komponentëve të bllokuar nga eksportimi nga BE-ja që përdoren në prodhimin e dronëve dhe raketave.
Vendimi i BE-së vjen pas sulmit të fundit të paprecedentë të Iranit ndaj Izraelit, i cili erdhi pas një sulmi të dyshuar izraelit në një kompleks diplomatik iranian në Siri në fillim të këtij muaji.
SHBA javën e kaluar njoftoi sanksione të reja ndaj 16 personave dhe dy subjekteve të lidhura me programin e Iranit për dron./vizionplus.tv