Një gjykatë gjermane dënoi me dhjetë vjet e gjysmë burgim një predikues irakian, udhëheqës i grupit militant Shteti Islamik në Gjermani.
Ahmad Abdulaziz Abdullah u dënua për drejtimin e një rrjeti xhihadist, që radikalizoi të rinjtë në Evropë dhe i ndihmoi ata të udhëtonin në Irak dhe Siri.
Sipas prokurorisë 37-vjeçari ka qenë anëtar i një organizate të huaj terroriste dhe ka ndihmuar në përgatitjen e akteve të dhunshme dhe në financimin e terrorizmit.
Abdullah në vitin 2001 kërkoi azil në gjermani dhe me pas u be predikues në një xhami në qytetin Hildesheim, e cila u bë e njohur për tërheqjen e islamikëve ekstremiste. Xhamia u mbyll nga autoritetet ne vitin 2017.
37 -vjeçari akuzohet se ka rekrutuar dy vëllezër gjermanë që kryen një sulm vetëvrasës në Irak në 2015. Ai gjithashtu akuzohet për radikalizmin e të paktën një prej tre adoleshentëve që në 2019 hodhën bomba ne një tempull në Gjermani.
Abdullah u arrestua pas një hetimi të gjatë në vitin 2016.