Zbardhen detaje të reja nga krimi i rëndë në Gjermani, ku një 44-vjeçar vrau me armë zjarri dy fëmijët e tij, plagosi gruan dhe më pas vrau veten.
Media gjermane “Bild” shkruan se policia kishte shkuar në familjen e Flamur R. në Mars të vitit 2020 pasi djemtë kishin denoncuar se mes prindërve kishte pasur një debat të ashpër.
Sabine Schmidt nga Zyra e Mirëqenies së Rinisë deklaron se në 24 Mars kishin marrë një raport nga policia për dhunë në familje.
Po ashtu bëhet me dije se 44-vjeçari në të kaluarën ka kërcënuar edhe të afërmit të cilët e kanë denoncuar në polici.
Autoritetet gjermane sqarojnë se këtë rast e kanë ndjekur me vëmendje, por kur kanë marrë në pyetje Flamur R. dhe gruan e tij, dukej se gjithçka ishte qetësuar.
“Nuk kishim asnjë dëshmi se prindërit kishin probleme psikologjike. Ne gjithashtu nuk gjetëm asnjë tregues për ndonjë rrezik për mirëqenien e fëmijëve”, deklaron Schmidt.
Familja e 44-vjeçarit njihej si një familje problematike dhe fqinjët shpesh kanë dëgjuar sherre dhe kanë bërë denoncime në polici.