Yulia Navalnaya, e veja e opozitarit Alexei Navalny, tha sot se Vladimir Putin nuk është presidenti legjitim i Rusisë dhe se rezultatet zyrtare të zgjedhjeve nuk kanë asnjë kuptim.
“Ne i dëshmuam vetes dhe të tjerëve se Putini nuk është presidenti ynë. Ne nuk e zgjodhëm atë”, tha Navalnaya, duke iu referuar protestave të quajtura “Mesdita kundër Putinit” që u zhvilluan në ditën e fundit të zgjedhjeve presidenciale të 17 marsit.
Në ditën e fundit të zgjedhjeve, opozita në Rusi bëri thirrje për një protestë politike paqësore, por simbolike kundër rizgjedhjes së Presidentit Vladimir Putin.
Mijëra njerëz dolën në qendrat e votimit në të gjithë Rusinë si pjesë e fushatës “Mesdita kundër Putinit”. Rusët kundërshtues të Putinit shkuan në qendrat e tyre lokale të votimit atë pasdite ose për të hedhur vota të pavlefshme në shenjë proteste ose për të votuar për një nga tre kandidatët e tjerë kundër Putinit, i cili megjithatë u rizgjodh si president i vendit. /vizionplus.tv