Instagram ka bllokuar llogarinë e nipit te ish-presidentit John Kennedy, një kritik i vazhdueshëm i vaksinës ndaj Covid 19.
Llogaria e Robert F. Kennedy Jr, me 800 mijë ndjekës, u bllokua këtë të mërkurë nga gjigandi teknologjik, Facebook, me preteksin e shpërndarjes së informacioneve kundër vaksinës. Bllokimi ndodhi fill pas shpërndarjes së klipit viral “Planet Lockdoën”, ku Catherine Fitz, keshilltarja e investimeve në ish-administraten e Bush thotë se “Covid-19 u shpik per te skllaveruar njerezimin.
Heqja e llogarisë së Kennedy vjen pak ditë pasi Facebook lajmëroi se do të fshijë të gjitha postimet që ngrenë dyshime për efektin e vaksinës së koronavirusit dhe që nuk përputhen me rekomandimet e Organizatës Botërore të Shëndetësisë (OBSH) dhe autoriteteve të tjera shëndetësore.
Facebook u zotua të heq nga rrjeti social permbajtjet të cilat i kosideron si “pretendime të rreme”. Bëhet fjalë për ato postime që thonë se Covid-19 është prodhuar nga njeriu dhe se vaksinat mund të jenë të rrezikshme, joefektive ose që shkaktojnë autizëm. Në të njëjtën kohë, kompania u zotua të “zhvillojë fushatën më të madhe në të gjithë botën” për të promovuar vaksinimin.
Censurimi i rrjeteve sociale po has kundershti dhe kritika të vazhdueshme nga perdoruesit që akuzojnë kompanitë për heqjene të drejtes se fjalës.. Pak ditë më parë llogaria e ish Presidentit të Amerikës Donald Trump, u mbyll përgjithmonë nga platforma Twitter.