Italia fitoi duke shkëlqyer në duelin hapës të kampionatit europian. Azurrët mposhtën 3 me 0 Turqinë në duelin e grupit A në sfidën e parë të kompeticionit luajtur në Romë.
Vendasit dominuan gjithçka që në pjesën e parë, mirëpo nuk mundën të shënonin në disa raste që iu paraqitën me Insigne dhe Chiellini. Në fraksionin e dytë Italia kaloi ne avantazh me një autogol të Demiral në minutën e 53 pas një aksioni të Berardi nga e djathta.
12 minuta më vonë pas një aksioni të bukur skuadra e Mancinit dyfishoi shifrat me anë të Imobile. Jorghino dhe Barella ishin zotër të mesfushës duke i dhënë mundësi edhe sulmuesve të dalin shpesh ne mundësi shënimi duke konkretizuar në minutën e 79 me anë të Insigne.
Me këtë fitore të madhe Italia konfirmon pritshmëritë si pretendente e fitores finale teksa pret e qetë ndeshjen e së shtunës të vlefshme për këtë grup Zvicer vs Uells.
